參賽組別 :

中學

學校名稱 :

香港中文大學校友會聯會陳震夏中學

組別名稱 :

電影藝術學會                   

短片標題 :

靈丹妙藥?                      

短片的內容：

（妹與哥坐在家中）

妹：哈啾！（大力打噴嚏，哥頭髮被吹亂）

妹：好辛苦呀！大傷風，平時隻藥都唔夠勁！

哥哥：（撥正頭髮，若無其事地繼續看書）我明呀。

妹：你明？你都無傷風！

哥哥：我上個禮拜咳到氣管發炎，好彩有醫生開俾我嘅特強抗生素。我食咗之後即刻好返晒！仲有多添！（轉過頭向着妹）俾粒你啦！

（醫生出現）

醫生：（揚出右手作阻止狀）咪住！抗生素係用黎治療細菌感染嘅藥物，對於病毒感染例如傷風同流行性感冒係無療效架！

妹：你邊位呀？做咩會響我屋企？

醫生：廣告裡便嘅醫生不嬲都係突然出現架啦！（轉過頭向着哥）喂，點解你會食剩咁多抗生素架？

哥：我身體好，食一次就好返晒，仲使咩食呀？

醫生：好似你咁未完成療程就停止服用抗生素，係會促進耐藥性細菌嘅產生，咁第時啲病就好難先醫治到架喇。

妹：我要即刻好返呀醫生，我響臉書度識咗個男仔，約咗佢聽日見面呀！

醫生：咁都應該由醫生決定你有無需要服用抗生素，而唔係共用或者同之前剩返嘅抗生素。而且呢…

妹：咩呀？

醫生：應該小心網上騙案，唔好同陌生嘅男仔出街呀！

哥：阿妹，咁你快Ｄ去睇醫生喇！

妹：（望著醫生）我而家咪睇緊囉！不如我地一齊出街吖？（哥露出愕然神情）