第三节
预防传染病的一般指引
预防传染病应该从多方面入手，包括个人卫生
食物卫生
环境卫生
同防疫注射
个人卫生包括手部卫生和呼吸道卫生。
好多传染病都系透过接触传播，手部卫生对控制传染病非常重要。
以下学校同中心内嘅地方
例如厕所
厨房
茶水间
洗衣房
同美术室等
应该提供梘液
即弃抹手纸
或干手机
至于喺无洗手设施嘅地方，就应提供含70-80%嘅酒精搓手液。
一般嚟讲，当双手有明显嘅污垢，又或者可能被体液污染嘅时候，应该用梘液同清水洗手。
如果双手无明显嘅污垢，亦可以用含70-80%酒精搓手液清洁双手。
我哋喺以下情况都要洁手
包括接触眼
鼻同口前
进食同处理食物前
如厕后
可能受到体液污染，例如为幼童更换尿片后、处理血液或受污染嘅物件之后
当手被呼吸道分泌物染污时，如打乞嗤同咳嗽后
触摸过公共设施，例如电梯扶手
升降机按钮
同门柄等
呼吸道卫生
不可随地吐痰
喺打乞嗤同咳嗽时，必须用纸巾掩住口鼻。呼吸道分泌物应用纸巾包好，
然后放入有盖嘅垃圾桶内
或在厕盆冲走
同时亦应立即洗手
至于患有呼吸道感染病征嘅人士
就应该佩戴口罩，防止病菌散播。
食物卫生方面，有三个要注意嘅地方：选择食物、烹调食物同储存食物。
喺选择食物方面，我哋应购买新鲜嘅食物，
或有标签、未过期同包装完好嘅食品。
唔好一次过买太多食物，以免过期。
处理生熟食物时
应该使用唔同嘅砧板同刀，以防交叉感染。
处理生嘅食物后应清洁双手
处理熟食时，唔好直接用手接触
仲要戴上口罩同着上可清洗或用后即弃嘅围裙同帽
如果手部有伤口，就应该贴上防水胶布。
如果员工生病，例如发烧、肚泻或呕吐，就唔好处理食物。
储存食物方面，应用有盖嘅容器盖好。容易变坏嘅食物，购买后应立即储存入雪柜里面。
预先冲调好嘅奶类饮品
应储存喺摄氏4度或以下嘅雪柜里面，以免细菌滋生。
如果24小时后仍未饮用，就要弃掉。
雪柜应备有温度计，并须定期记录温度。雪柜应长期保持喺摄氏4度或以下，冷藏格喺摄氏零下18度或以下。
同时，必须定期清洗雪柜，保持干净。
由于病原体可以喺环境中生存一段时间，因此环境卫生亦非常重要。
在选用消毒清洁剂时，应了解不同清洁剂嘅成份同使用指引。
含5.25%次氯酸钠嘅家用漂白水喺最方便而有效嘅消毒清洁剂。1比99稀释家用漂白水已足够一般清洁用途。
可以用来清洁同消毒课室、厨房、饭堂、厕所、浴室同校车等
记住要等15-30分钟后，再用水清洗同抹干。
经常接触嘅表面、家俬、玩具同共用嘅物件，例如门柄、扶手同电脑键盘等，就应每日最少清洁同消毒一次。
由于家用漂白水含次氯酸钠
对金属有腐蚀作用，所以如果需要消毒金属表面
就要用70%火酒
抹拭消毒。
如果被呼吸道分泌物、呕吐物同排泄物污染
应该先用吸水力强嘅即弃抹巾清理可见嘅污染物
再用1比49稀释家用漂白水，消毒清洁被污染嘅地方，同埋邻近两米嘅范围
等15至30分钟后，再用水清洗同抹干。
染有血渍嘅物品，可以先用吸水力强嘅即弃抹巾，沾上1比4稀释家用漂白水，清理可见嘅血渍。
等10分钟后，再用水清洗同抹干。
另外，仲要定期清洗冷气机
隔尘网
厨房系处理食物嘅地方，应时常保持清洁。
包括定时清洗抽气扇同抽油烟机
食具要放喺干净嘅碗柜内
工作枱面须保持清洁
地面清洗后必须抹干
千祈唔好将衣物等个人用品放喺厨房内
垃圾桶须盖好
避免蚊、曱甴、乌蝇同老鼠等滋生。
厕所、更衣室同浴室亦应保持清洁卫生。并确保冲水系统运作正常，
排水渠一定要有隔气弯管，千祈唔好擅自更改渠道。
应每星期一次，喺每个排水口倒入半公升嘅清水，以维持隔气弯管内嘅存水。
保持粪渠同污水渠畅通、无渗漏
并定期清洁洗手盆
同坐厕
垃圾要包好同埋放入有盖嘅垃圾桶内
处理垃圾后，亦要即刻洗手。
地拖、地布同抹布等，亦必须小心处理。
用过嘅清洁用具，首先用清水去除废物同污渍，
然后浸喺1比49稀释家用漂白水内
等30分钟后，用清水洗净，吹干后再用。
幼童嘅床与床之间应尽量维持唔少于1米嘅距离
定时检查同清洁学童储物柜，以防残留食物，引致虫鼠滋生。
如果发现有昆虫或老鼠为患的迹象，就应该即刻清洁。
每星期最少一次清理盆栽底盘积水同更换花瓶内嘅水。
地台凹陷地方要填平，以防积水，杜绝蚊患。
学校同中心内避免堆积杂物，以防鼠患。
同时，学校同中心内不宜饲养宠物，如猫、狗、雀仔等。
防疫注射系预防传染病重要嘅一环，必须提醒家长按照卫生防护中心建议嘅儿童免疫接种计划，为子女接种疫苗。