2013年2月1日
善用抗生素
醫生：我哋周圍，
有唔同嘅細菌同埋病毒，
醫生：可能會令到我地感染疾病。
醫唔同嘅病，須要用唔同嘅藥。
例如係抗生素、同抗病毒藥物等等。
唔善用藥物，唔單止醫唔好個病，
醫生：仲可能會帶嚟嚴重後果添，所以一定要對症下藥
女：咁細菌會引起乜嘢病，而病毒又會引起乜嘢病呢？
醫生：細菌同病毒好唔同，引致嘅疾病亦都唔同。
由細菌引致的疾病
醫生：由細菌引致嘅疾病
大腸桿菌 尿道炎
腸胃炎
例如由大腸桿菌引致嘅尿道炎同腸胃炎，
肺炎球菌 肺炎
中耳炎
由肺炎球菌引致嘅肺炎同中耳炎，
金黃葡萄球菌 皮膚及軟
組織感染
由金黃葡萄球菌引致嘅皮膚及軟組織感染等。
由病毒引致的疾病
醫生：由病毒引致嘅疾病，
鼻病毒 傷風
例如有傷風、
流行性感冒病毒 流行性感冒
流行性感冒、
腸病毒 手足口病
手足口病
水痘帶狀疱疹病毒 水痘
同水痘等等。
女：咁細菌感染同病毒感染係咪一樣都係用抗生素嚟醫㗎?
醫生：唔係！抗生素只係用嚟醫細菌感染。
醫生：對病毒感染，例如傷風同流感係無療效嘅！
醫生：正如其他藥物一樣，抗生素有佢嘅效用，但亦都風險！
女：咁有咩風險吖？
醫生：包括有副作用，同抗藥性細菌感染啦。
噁心
常見嘅副作用包括有噁心、
噁心
嘔吐
嘔吐、
便秘
便秘，
腹瀉
或者腹瀉
頭痛
仲有頭痛。
醫生：有D人仲可能會出現過敏反應：
紅疹
例如係紅疹、
皮膚痕癢
皮膚痕癢、
呼吸困難
嚴重嘅仲可能會出現呼吸困難添。
醫生：如果有過敏反應，
應該即刻帶埋d藥去睇醫生！如果證實對藥物敏感，
醫生會俾一張記錄咭你，以後去睇醫生就要帶埋佢。
醫生：另一個風險係抗藥性細菌感染。
女：點解呢？
醫生：用抗生素治療細菌感染嘅時候，
會同時殺死身體內嘅正常細菌，
增加感染抗藥性細菌嘅風險。
抗藥性細菌感染
醫生：抗藥性細菌感染係好難醫治嘅。
近年嘅數據顯示，抗藥性細菌越嚟越多，
已經嚴重威脅市民嘅健康
女：咁我哋一定要善用抗生素嘞！
醫生：咁就啱喇！用抗生素嘅時候，要注意以下幾點：
醫生：唔係樣樣感染都要用抗生素，有病嘅時候，一定要先睇醫生，等醫生對症下藥，睇吓係咪須要用抗生素。
如果須要用抗生素，要按照醫護人員嘅指示
如果使用後唔舒服，就應該即刻睇醫生。
為咗避免抗藥性細菌乘虛而入，
喺使用期間，一定要加強個人防護措施，包括：
時刻保持手部衞生
食水一定要徹底煲滾、食物亦必須徹底煮熟
必須消毒同覆蓋傷口
有出現呼吸道感染徵狀嘅時候，必須要戴上口罩
小朋友有傳染病徵狀嘅時候，就盡可能減少接觸其他小朋友
女：醫生， 我仲有啲嘢想問---咁發燒係咪要食抗生素呀？
醫生：引起發燒嘅原因好多，唔一定係細菌感染引起嘅，
應該先睇醫生，等醫生決定係咪要食抗生素。
女：醫生，啲鼻涕黃黃、綠綠咁嘅色，係咪要食抗生素呀？
醫生：一般傷風或流感，鼻涕亦會變濃或變色，唔一定係細菌感染。
女：如果我今次病徵同上次嘅差唔多，咁我可唔可以食番同樣嘅藥呢？
醫生：就算病徵相似，唔代表患嘅病係一樣。有病一定要睇醫生！尤其係抗生素添，唔好自己亂咁食！
女：呵！明白哂！
醫生：等我簡單總結一下：
醫生：
1.抗生素係用嚟治療細菌感染，對病毒感染好似傷風同流感係無效嘅
2.要諮詢醫生，由醫生決定係咪要用抗生素
3.抗生素可以同時殺死身體內嘅正常細菌，增加感染抗藥性細菌嘅風險
4.因此，喺使用抗生素期間，必須加強個人防護措施
醫生：如果對使用抗生素或其他藥物，有任何疑問，就應喺睇醫生嘅時候問清楚喇。