學校/幼稚園/幼稚園暨幼兒中心/幼兒中心預防傳染病指引
第四節
處理疑似的傳染病爆發
當學童同員工相繼出現類似病徵
而發病率比平常為高嘅時候
就有可能係傳染病爆發
要判斷學校同中心內是否爆發傳染病，就必須掌握每日嘅缺席率同傳染病個案嘅情況。
例如兩人或以上一同進食後，相繼出現腸胃炎嘅病徵，
便有可能係食物中毒。
另外，喺同一個課室或樓層學習嘅學童，喺短時間內
相繼出現類似嘅病徵，亦可能係發生傳染病爆發。
整體缺席率比平日為高時，校方應主動聯絡有關學童家長。
單一個案有時亦會當作傳染病爆發處理，例如出現新病症或對整體公共衞生有重大影響嘅情況
就好似禽流感同俗稱沙士嘅嚴重急性呼吸系統綜合症，都會視為傳染病爆發。
疑似呼吸道感染爆發的處理
(1) 首先照顧病童。
若學童出現流感病徵，例如發燒、喉嚨痛或咳嗽，應為病童戴上口罩
安排病童到指定嘅房間休息。
立刻通知患病學童嘅家長或監護人接回病童。
喺病童休息期間
應盡量開啟抽氣扇
同打開窗門，加強空氣流通
而照顧病童嘅職員，亦應戴上口罩。
同喺接觸病童前同後，徹底洗手
2. 盡早呈報
安頓好病童後，應盡快填妥傳染病呈報表格。幼兒中心負責人應同時通知衞生防護中心同社會福利署幼兒中心督導組。
學校、幼稚園、幼稚園暨幼兒中心負責人應同時通知衞生防護中心同所屬教育局區域教育服務處或學前服務聯合辦事處。
3. 環境清潔和消毒
應盡量開啟抽氣扇同打開窗門，加強空氣流通。
處理嘔吐物同分泌物，應先用吸水力強嘅即棄物料清理可見的嘔吐物同分泌物
使用過嘅房間，喺病童離開後
應用1比49稀釋家用漂白水清潔消毒。
曾接載病童嘅校車亦應該用同樣嘅方法消毒。
員工喺消毒環境時，應穿上適當嘅防護裝備。
喺完成工作後，亦要小心脫下，同埋立刻清潔消毒雙手
(4) 傳染病嘅監察
學校同中心應備有員工出勤和學童嘅出席記錄、懷疑染病學童嘅名單、家長或監護人嘅聯絡方法，以協助衞生防護中心嘅調查工作。
加強監察學童和員工嘅身體狀況，如量度體溫等。
同時亦要同家長保持密切聯絡
要求學童同員工出現傳染病病徵或需要入院時，要盡早通知學校或中心
學校或中心亦應通報衞生防護中心
患病人士應留喺屋企休息，直至病徵消失同退燒後最少兩日，先可以再返回學校或中心。
有關學童染上傳染病嘅病假建議，請參考「學校／幼稚園／幼稚園暨幼兒中心／幼兒中心預防傳染病指引」，網址
www.chp.gov.hk。
衞生防護中心會派出醫生同護士前往學校同中心，收集初步資料或樣本。
衞生防護中心所需初步資料包括：
學校或中心嘅中英文名稱同地址
學校或中心聯絡人姓名、職位同電話
病患者人數同入院人數
病患者嘅病徵和病發日期
全體學生同職員人數等
如果有需要，會要求進一步詳細資料，例如：
病患者個人資料同病假記錄
學童同職員名單
學校或中心嘅平面圖、活動時間表同餐單等