第三節
預防傳染病的一般指引
預防傳染病應該從多方面入手，包括個人衞生
食物衞生
環境衞生
同防疫注射
個人衞生包括手部衞生和呼吸道衞生。
好多傳染病都係透過接觸傳播，手部衞生對控制傳染病非常重要。
以下學校同中心內嘅地方
例如廁所
廚房
茶水間
洗衣房
同美術室等
應該提供梘液
即棄抹手紙
或乾手機
至於喺無洗手設施嘅地方，就應提供含70-80%嘅酒精搓手液。
一般嚟講，當雙手有明顯嘅污垢，又或者可能被體液污染嘅時候，應該用梘液同清水洗手。
如果雙手無明顯嘅污垢，亦可以用含70-80%酒精搓手液清潔雙手。
我哋喺以下情況都要潔手
包括接觸眼
鼻同口前
進食同處理食物前
如廁後
可能受到體液污染，例如為幼童更換尿片後、處理血液或受污染嘅物件之後
當手被呼吸道分泌物染污時，如打乞嗤同咳嗽後
觸摸過公共設施，例如電梯扶手
升降機按鈕
同門柄等
呼吸道衞生
不可隨地吐痰
喺打乞嗤同咳嗽時，必須用紙巾掩住口鼻。呼吸道分泌物應用紙巾包好，
然後放入有蓋嘅垃圾桶內
或在廁盆沖走
同時亦應立即洗手
至於患有呼吸道感染病徵嘅人士
就應該佩戴口罩，防止病菌散播。
食物衞生方面，有三個要注意嘅地方：選擇食物、烹調食物同儲存食物。
喺選擇食物方面，我哋應購買新鮮嘅食物，
或有標籤、未過期同包裝完好嘅食品。
唔好一次過買太多食物，以免過期。
處理生熟食物時
應該使用唔同嘅砧板同刀，以防交叉感染。
處理生嘅食物後應清潔雙手
處理熟食時，唔好直接用手接觸
仲要戴上口罩同著上可清洗或用後即棄嘅圍裙同帽
如果手部有傷口，就應該貼上防水膠布。
如果員工生病，例如發燒、肚瀉或嘔吐，就唔好處理食物。
儲存食物方面，應用有蓋嘅容器蓋好。容易變壞嘅食物，購買後應立即儲存入雪櫃裏面。
預先沖調好嘅奶類飲品
應儲存喺攝氏4度或以下嘅雪櫃裏面，以免細菌滋生。
如果24小時後仍未飲用，就要棄掉。
雪櫃應備有溫度計，並須定期記錄溫度。雪櫃應長期保持喺攝氏4度或以下，冷藏格喺攝氏零下18度或以下。
同時，必須定期清洗雪櫃，保持乾淨。
由於病原體可以喺環境中生存一段時間，因此環境衞生亦非常重要。
在選用消毒清潔劑時，應了解不同清潔劑嘅成份同使用指引。
含5.25%次氯酸鈉嘅家用漂白水喺最方便而有效嘅消毒清潔劑。1比99稀釋家用漂白水已足夠一般清潔用途。
可以用來清潔同消毒課室、廚房、飯堂、廁所、浴室同校車等
記住要等15-30分鐘後，再用水清洗同抹乾。
經常接觸嘅表面、傢俬、玩具同共用嘅物件，例如門柄、扶手同電腦鍵盤等，就應每日最少清潔同消毒一次。
由於家用漂白水含次氯酸鈉
對金屬有腐蝕作用，所以如果需要消毒金屬表面
就要用70%火酒
抹拭消毒。
如果被呼吸道分泌物、嘔吐物同排泄物污染
應該先用吸水力強嘅即棄抹巾清理可見嘅污染物
再用1比49稀釋家用漂白水，消毒清潔被污染嘅地方，同埋鄰近兩米嘅範圍
等15至30分鐘後，再用水清洗同抹乾。
染有血漬嘅物品，可以先用吸水力強嘅即棄抹巾，沾上1比4稀釋家用漂白水，清理可見嘅血漬。
等10分鐘後，再用水清洗同抹乾。
另外，仲要定期清洗冷氣機
隔塵網
廚房係處理食物嘅地方，應時常保持清潔。
包括定時清洗抽氣扇同抽油煙機
食具要放喺乾淨嘅碗櫃內
工作枱面須保持清潔
地面清洗後必須抹乾
千祈唔好將衣物等個人用品放喺廚房內
垃圾桶須蓋好
避免蚊、曱甴、烏蠅同老鼠等滋生。
廁所、更衣室同浴室亦應保持清潔衞生。並確保沖水系統運作正常，
排水渠一定要有隔氣彎管，千祈唔好擅自更改渠道。
應每星期一次，喺每個排水口倒入半公升嘅清水，以維持隔氣彎管內嘅存水。
保持糞渠同污水渠暢通、無滲漏
並定期清潔洗手盆
同坐廁
垃圾要包好同埋放入有蓋嘅垃圾桶內
處理垃圾後，亦要即刻洗手。
地拖、地布同抹布等，亦必須小心處理。
用過嘅清潔用具，首先用清水去除廢物同污漬，
然後浸喺1比49稀釋家用漂白水內
等30分鐘後，用清水洗淨，吹乾後再用。
幼童嘅床與床之間應盡量維持唔少於1米嘅距離
定時檢查同清潔學童儲物櫃，以防殘留食物，引致蟲鼠滋生。
如果發現有昆蟲或老鼠為患的跡象，就應該即刻清潔。
每星期最少一次清理盆栽底盤積水同更換花瓶內嘅水。
地台凹陷地方要填平，以防積水，杜絕蚊患。
學校同中心內避免堆積雜物，以防鼠患。
同時，學校同中心內不宜飼養寵物，如貓、狗、雀仔等。
防疫注射係預防傳染病重要嘅一環，必須提醒家長按照衞生防護中心建議嘅兒童免疫接種計劃，為子女接種疫苗。